01 ZIRH BOT haqida
ZIRH BOT — CYBER HIMOYA MCHJ tomonidan ishlab chiqilgan Telegram xavfsizlik boti. U shaxsiy chatda va guruhlarda foydalanuvchilarni firibgarlik, zararli fayllar va spamerlardan himoya qiladi.
- 🔍 Havolalarni tekshiradi — phishing va firibgar saytlarni aniqlaydi
- 📁 Fayllarni tekshiradi — shu jumladan APK ilovalarni zararli kodga
- 👥 Guruhni himoya qiladi — xavfli havola va fayllarni avtomatik o‘chiradi
- 🛡 Spamerlarni aniqlaydi — anti-spam akkauntlarni avtomatik tekshiradi
- 📥 Media yuklaydi — Instagram, TikTok, YouTube va boshqa tarmoqlardan
- 🌐 6 tilda ishlaydi — o‘zbek, rus, qozoq, qirg‘iz, ingliz va turk
02 Boshlash
- Telegramda @ZIRH_BOT ni oching va /start buyrug‘ini yuboring.
- Kerak bo‘lsa tilni tanlang. Tilni istalgan vaqtda 🌐 Язык tugmasi yoki /lang buyrug‘i bilan o‘zgartirish mumkin.
- Rasmiy kanallarimizga obuna bo‘ling: @cyberhimoya va @zirh_news.
- ✅ Tekshirish tugmasini bosing — obuna tasdiqlangach, bosh menyu ochiladi.
04 Havolani tekshirish
Shubhali havolani botga to‘g‘ridan-to‘g‘ri yuboring yoki 🔍 Havolani tekshirish tugmasini bosing. Bitta xabarda bir nechta havola bo‘lsa, hammasi tekshiriladi. Qisqartirilgan havolalar (masalan, bit.ly) ochilib, asl manzili tekshiriladi.
05 Faylni tekshirish
📁 Faylni tekshirish tugmasini bosing va faylni yuboring. Bot faylni zararli kodga tekshiradi. APK ilovalar uchun uning rasmiy manbada (Play Market) bor-yo‘qligi ham ko‘riladi va iloji bo‘lsa asl ilova havolasi tavsiya qilinadi.
06 Media yuklash
Instagram, TikTok, YouTube, Snapchat, Likee yoki Pinterest havolasini botga yuboring — bot video, audio yoki rasmni yuklab beradi. YouTube havolasi uchun 🎞 Video yoki 🎧 Audio ni tanlaysiz.
07 Guruhni himoya qilish
- Bosh menyudagi 👥 Guruhga qo‘shish tugmasini bosing va guruhingizni tanlang.
- Botni admin qiling va huquqlarni bering: xabarlarni o‘chirish, foydalanuvchilarni cheklash, havola orqali taklif qilish.
- Tayyor! Bot guruhdagi har bir havola va faylni avtomatik tekshiradi.
Xavfli havola yoki fayl topilsa, xabar o‘chiriladi va yuboruvchi 30 daqiqaga yozishdan cheklanadi. Guruh adminlari yuborgan xabarlar o‘chirilmaydi.
08 Anti-spam: spamerlarni aniqlash
Anti-spam guruhga yozgan va yangi qo‘shilgan har bir akkauntni avtomatik tekshiradi: profil, unga biriktirilgan kanal va undagi fayllar tahlil qilinadi. Haqiqiy foydalanuvchilardan hech qanday test yoki captcha so‘ralmaydi.
/antispam— himoyani yoqish (faqat guruh admini)/antispamoff— himoyani o‘chirish
Spamer aniqlansa, uning xabari o‘chiriladi va akkaunt guruhda cheklanadi. Shubhali akkauntlar chuqur tekshiruvga o‘tadi — ularning xatti-harakati ma’lum muddat kuzatiladi.
09 Xato cheklangan bo‘lsangiz
Agar siz haqiqiy foydalanuvchi bo‘lib, xato cheklangan bo‘lsangiz:
- Guruhdagi ogohlantirish ostidagi 📨 Xato bo‘lsa — xabar bering tugmasini bosing.
- Botda ✅ Tekshiruvdan o‘tish tugmasini bosing va oddiy misolni yeching.
- Cheklov darhol olib tashlanadi. Guruh admini ham tasdiqlash orqali cheklovni ochishi mumkin.
10 Haqoratli so‘zlar filtri
/on18— filtrni yoqish/off18— filtrni o‘chirish
Filtr yoqilganda haqoratli so‘z ishlatgan a’zo 5 daqiqaga sukut rejimiga o‘tkaziladi. Buyruqlar faqat guruh adminlari uchun.
11 Til sozlamalari
ZIRH BOT 6 tilda ishlaydi: 🇺🇿 o‘zbek, 🇷🇺 rus, 🇰🇿 qozoq, 🇰🇬 qirg‘iz, 🇬🇧 ingliz va 🇹🇷 turk.
- Shaxsiy chatda: 🌐 Язык tugmasi yoki
/langbuyrug‘i. - Guruhda: bot tili uni guruhga qo‘shgan odamning tilidan olinadi; admin
/langbuyrug‘i bilan o‘zgartiradi. - Web versiya va qo‘llanma: yuqoridagi 🌐 tugmasi orqali.
12 Buyruqlar ro‘yxati
| Buyruq | Qayerda | Vazifasi |
|---|---|---|
/start | Shaxsiy chat | Botni ishga tushirish, bosh menyu |
/help | Shaxsiy chat | Qisqa yordam |
/lang | Shaxsiy chat, guruh (admin) | Tilni o‘zgartirish |
/antispam | Guruh (admin) | Anti-spamni yoqish |
/antispamoff | Guruh (admin) | Anti-spamni o‘chirish |
/on18 | Guruh (admin) | Haqoratli so‘zlar filtrini yoqish |
/off18 | Guruh (admin) | Haqoratli so‘zlar filtrini o‘chirish |
13 Web versiya
scan.cyberhimoya.uz — ZIRH’ning web versiyasi:
- 🤖 ZIRH AI — kiberxavfsizlik bo‘yicha savollaringizga javob beradigan maslahatchi
- 🔍 Havola tekshiruvi — havolani to‘g‘ridan-to‘g‘ri brauzerda tekshirish
Web versiya botdagi 🌐 Web versiya tugmasi orqali ham ochiladi va tanlangan tilingizda ishlaydi.
14 Ko‘p beriladigan savollar
Bot nega xabarimni o‘chirdi?
Xabaringizdagi havola yoki fayl xavfli deb topilgan yoki akkauntingiz anti-spam tomonidan spamer deb aniqlangan. Xato bo‘lsa, “Xato cheklangan bo‘lsangiz” bo‘limiga qarang.
Bot guruhda ishlamayapti, nima qilay?
Bot guruhda admin ekanini va unda xabarlarni o‘chirish hamda foydalanuvchilarni cheklash huquqlari borligini tekshiring.
Obuna tekshiruvidan o‘tolmayapman.
Ikkala kanalga ham (@cyberhimoya va @zirh_news) obuna bo‘lganingizga ishonch hosil qiling, so‘ng ✅ Tekshirish tugmasini qayta bosing.
Anti-spam haqiqiy foydalanuvchilarni ham cheklaydimi?
Juda kam hollarda. Bunday holatlar qo‘shimcha tekshiruvda aniqlanib, cheklov ochiladi; foydalanuvchi o‘zi ham oddiy misolni yechib cheklovni ochishi mumkin.
Firibgar sayt haqida qanday xabar beraman?
Botdagi 🆘 Shikoyat yuborish tugmasi orqali yoki @zirh_support ga yozing.